【佔領中環】浮躁不安的新生代，豈有耐性待至2024年才普選？佔領中環「死士」陳健民坦言，社會怨氣已達臨界點，預示特區若未能落實2017年真普選，料將走向暴力化。「佔中爭普選失敗之時，就係激進政治抬頭之始」，他呼籲中央在特區分岔路上，衡量封殺真普選的惡果。
記者：許偉賢
諸如堵路等示威行動，過往香港時有發生，但影響力卻不如近期由三位書生學者，包括戴耀廷、朱耀明及陳健民倡議的佔領中環運動，否則中央不會連番出言恐嚇。中大社會學系副教授陳健民接受訪問時坦承，當溫和中產也要公民抗命，市民才會驚覺事態嚴重。
陳健民多番重申：「其實佔領嗰一下，大家都希望唔使做」，他至今仍希望泛民能以談判為特區爭取真普選，但認為在特區可以落實特首普選的非常時期，必須同時用上非常手段，重申佔中行動非意在癱瘓：「如果我哋坐低咗五分鐘，你（政府）即刻拉我，中環一定唔癱瘓㗎，我哋話咗唔反抗喎。」
09年反高鐵 年輕人已動起來
當陳健民淡淡然的說：「政改方案傾唔掂，香港好危險」，大家也許覺得他杞人憂天；但在網絡資訊爆炸的世代，鮮明新聞角度輕易爆like的時代，陳健民相信這群浮躁不安的新生代，不會再有靜心等待的耐性：「呢一代年輕人接收嘅資訊好快、好多，對於政治改革嘅要求好高」，「如果今次政改唔掂，就要等到2022同2024年先有下一輪改革；我諗唔到今日嘅年輕人點等到2024年，特別係睇《動新聞》長大嗰啲。」
他指09年反高鐵一役，這群年輕人已經「動起來」，隨後越來越多年輕人投入激進運動，「呢個浪潮根本係嚟緊」，續指：「啲網上年輕人已經話，佔中失敗就係激進力量嘅開始；你要等到2024年（才有普選）喎，咩都發生得喎……我話幾年之後，會有年輕人開始揼汽油彈，又有咩咁奇？」
陳健民告誡中央想清楚後果：「究竟畀一個（2017年）民主政制出嚟，擔心佢（中央）一心認為泛民會攞到政權嘅風險高，抑或街頭政治嘅風險更高呢？」他也帶點自嘲笑着道：「泛民好有人才（特首）咩？林鄭都打贏你（泛民）啦！」陳健民續稱：「如果佢（中央）搞一個真普選，咁最大嘅民主派就係中央，啲對抗情緒肯定消散晒啦。」