【銅鑼灣】杜汶澤早排做棟篤笑騷自爆曾背妻偷食，幸好迷途知返，無損夫妻恩愛，老婆田蕊妮對佢仍然不離不棄。阿澤早排係咁趕戲，搞到周身骨痛，上周五晚10點幾，佢撇甩老婆獨自去咗銅鑼灣東方棕泉桑拿揼骨，乘機鬆一鬆。佢先泊低架車喺附近，然後將車匙交咗畀泊車仔，跟住就行入去。約3粒鐘後，阿澤去櫃枱畀錢，見佢同接待姐姐仔有傾有講，似乎好熟。畀完錢，阿澤就一副爽爆樣揸車返歸。
噚日打畀阿澤，問佢點解揼骨唔預老婆？佢話：「佢要開工，𠵱家咪同佢去揼！我係骨精，有時間就會去揼骨。」到底嗰晚有冇代支？佢口快快話：「梗係有，即係畀貼士啫！」
阿倫都係「骨友」
呢間桑拿係明星骨場，曾爆出譚詠麟（阿倫）喺度識咗場中女仔Mandy，仲傳佢係三奶㖭！
採訪、攝影：吳耀輝、楊浩賢、朱志聰
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/