向來敢言、為公義發聲嘅歌星黃耀明，噚日下午出席大愛同盟音樂會，唔能夠抽空聲援碼頭工人。但明哥就話：「喺心裏面會支持」，因為任何弱勢社群都需要關懷，尤其係碼頭工人，有賴佢哋默默付出汗水同勞力，香港先有今日咁繁榮，係缺一不可嘅重要因素。明哥話，喺出入口同物流方面，碼頭工人扮演一個好重要角色，應該畀番應有嘅credit（功勞）同工作上嘅保障佢哋。明哥希望喺市民同社會領袖支持下，盡快幫到班工人爭取合理保障。出席同一場合嘅何韻詩，最近唔喺香港，未了解罷工嘅來龍去脈，所以話唔方便評論，不過佢話會返屋企嗱嗱聲溫書，睇吓發生緊乜嘢事。