壹傳媒台灣報紙雜誌業務賣盤，又名門又望族嘅買家搞了足足五個月，仍無疾而終，肥佬黎係咪好唔開心？沙膽虹聽知情人士話，肥佬黎知道賣盤告吹後，只講了兩句粗口而已，心情冇乜唔妥。
知情人士話，肥佬黎周日去咗教會避靜，關掉手機，傍晚出關後見到短訊，得知交易有些不對勁，回電查詢之後，對交易未必成事，有種釋懷的感覺，心裏平靜。佢當晚諗咗一輪，越諗反而越唔想將台《蘋》和台《壹》出售。「我（台灣）報紙同雜誌都賺緊錢，而且還可以從傳統平面媒體轉到digital；台《蘋》和台《壹》不是報紙雜誌，是一個製造內容的machine，我賣嚟做乜呢？報紙雜誌可能會跌，但網上點擊將來喳喳聲升」。知情人士引述肥佬黎說。佢話口未完，仲打電話畀負責談判的同事，同佢講佢𠵱家唔多想賣台《蘋》和台《壹》。
現在人家打退堂鼓，肥佬黎更豪言壯語，表明永遠唔會再賣，台《蘋》台《壹》在台灣落地生根，實行轉型。
沙膽虹
twitter賬號：khcheung1