特別報道，學民思潮嘅黃之鋒噚日喺自己facebook宣佈參選2015及16年區議會同立法會選舉，呢個消息震驚學運界。不過，震驚整個亞洲嘅，係網上報道北韓領導人金正恩盛傳參選2017年香港特首選舉。路邊社消息人士估計，可能因為中央側聞黃之鋒參選，所以搵同內地政府關係好好嘅金正恩做特首，對付黃之鋒？唔知到時金正恩會唔會用飛彈對付之鋒？不過，金正恩日後到北京述職，可能會遇到王丹。因為呢位流亡民運人士，噚日喺fb話自己身在北京，搞到網民瘋傳。
以上嘅內容，聰明嘅讀者一定知道全屬謊言啦。黃之鋒之後都承認，自己噚日只係趁愚人節講笑，王丹都應該係應節講笑。至於金正恩嘅消息，只係福佳與林忌創作喺fb搞吓笑啫。