【記者梁德倫報道】新界東北新發展區計劃最快於年中正式啟動，屆時數以千計村民面臨家園盡毀。一群關心社會的藝術家，自發拿起相機、紙筆，走入東北三區各條村落，把陪伴村民一輩子的一牆一瓦、相扶到老的鄰里情，用相片和圖畫記錄，希望喚醒市民的關注。
十多名積極參與社運的藝術家，近日到東北三區內記錄村民的生活。搞手之一的柏齊說，對不少市民而言，東北三區印象其實很模糊，「好似當年菜園村咁，大家以為政府只係拆寮屋，其實仲有鄉土情同埋鄰里關係感情都俾人破壞咗」。他表示，今次活動會持續一段時間，有人負責拍下村民家庭照，有成員則用全景照片反映村內村外的人和事、情和景；也有人用簡單的繪圖記下村民的瑣碎事，「想話畀大家知，呢度係點樣嘅地方、住咗啲乜嘢人，大家想守護嘅又係咩」。他們正籌備短期內舉辦展覽，讓市民用另一個角度走進東北三區看世界。
發展拆散村民生活
戴毅龍從事攝影工作多年，作品多以社會為題，例如早前便以《瘋狂的樓市》為題，將鄉郊景色和高樓大廈共冶一圖，諷刺樓市的瘋狂。他說，最初對新界東北議題並無印象，參加過村民舉辦的導賞團，才明白原來香港也有本土農業、工業，值得港人珍惜，「東北三區內有醬油廠、木廠、菜田，每樣嘢同我哋生活都息息相關」。他主力拍攝村民的半身照，可以表達他們的職業，也可用人物說故事。
阿龍說，接觸村民次數多了，才真正認識這片土地，「呢度好多家庭幾代同堂一齊住，同所謂嘅城市人好唔同，𠵱家我哋唔止要拆佢哋間屋，更係拆緊佢哋嘅生活」。
土炮工廠值得保留
以繪圖方式記下村民一點一滴的Stella，近年擅於用圖畫為消失中的老區留下回憶的憑證，例如利東街、觀塘重建等，「其實舊區有好多寶藏，好多嘢同歷史接軌，可以係屋、可以係唔起眼嘅物件。」她說，落區找靈感和速繪期間，發現不少民間智慧，「好似馬寶寶（農場）佢哋有好多方法造麵包、種菜等等，古洞有土炮木廠同醬油廠」，在她眼中全是值得保留的瑰寶。
Stella希望，用相片以外的方式記下所見所聞，將家鄉的感覺呈現紙上。「𠵱家政府要將伴住村民長大嘅所有嘢連根拔起，但係到底為咗邊個而做呢？第時用地分佈用喺公屋居屋得咁少，剩低變成豪宅係咪我哋樂見呢？」
攝影師Manson近年用他的鏡頭拍下不少社運的珍貴影像，近日又全程跟進記錄東北村民的活動，讓他感受至深，「村民之間嘅關係好緊密，喺城市係搵唔到，即使大家住得好近，隔住道門已經係陌路人冇偈傾」。他說，外國近年在設法將鄉郊帶到城市生活中，相反香港卻不斷將僅存的鄉村鏟平進行「城市化」，「大家有冇反思過，鄉郊其實有佢嘅作用呢？」