終審法院向政府say no，拒絕政府要求由法院就居港權問題向中央尋求釋法，釋法大計不成，律政司司長袁國強即時執行李，唔係劈炮，佢只係將於明日去新加坡兩日一夜，推廣香港作為亞太區法律服務及解決爭議中心。咁又係呀，香港呢排咁多爭議等緊解決，絕對係爭議中心，爭議包括選舉權點解只有投票權，冇提名權同被選權，民主提名程序點解會變成篩選，不過司長唔好教壞新加坡，人哋冇「阿爺」㗎！
袁國強今次會同新加坡調解中心和新加坡國際仲裁中心的代表會晤，又會同新加坡總檢察長、律政部同教育部官員、新加坡律師公會會長會面，星期三晚返港。