愛華頓喺今屆英超表現唔錯，喺上周六夜場主場以1:0擊敗史篤城後，拖肥糖目前排第6，仲有機會爭逐下屆歐洲賽參賽席位。隊波表現好，領軍嘅莫耶斯亦自然變成搶手貨，據報車仔都好想向佢招手；而喺擊敗史篤城後，莫斯耶仲有女圍㖭！話說喺賽後佢就去咗睇比路對捷林巴嘅拳賽，而拳賽舉牌女郎見到莫耶斯，就好似螞蟻摟蜜糖咁跟住莫耶斯，要同佢合照，認真艷福無邊。