聯太工業（176）上星期有大手上板，交投異動，贒贒。呢隻老牌工業股，主打多瓣數OEM製造，先秤質地，2012年度純利6,057萬銀，大幅增長過六成，PE得6.6倍單位數，息率回報3.7厘，數據靚仔。又據管理層分析，撇除不可知負面情況，相信嚟緊2013年度可以錄到溫和增長。係咁意計數，聯太今年純利增長15%到7,000萬銀，預期PE 5.8倍，抵搞。
又對上星期頭三個交易日，聯太有大手上板活動，加埋總數高達3.1億股，佔集團已發行股本31%，唔嘢小，聞到有味。呢幾日上板造價全部都定喺0.38元，聯太最新報價0.40元，唔係高好多。扒冷買聯太，博翻半番計數，股價見0.62元，2013年度預測PE都未有耐上到雙位數。
中渝又到收貨時
中渝置地（1224）話咁快由1月3蚊樓上高位，插到見2字頭。集團啱啱發2012年度成績單，純利增長七成到5.3億銀。嚟緊日子，仲有過百億銀銷售合同等入賬，PE得6、7倍單位數，又係好抵搞。中渝好明顯又係一家玩cycle嘅股票，所以去到呢啲位就收貨，上到3蚊樓上就沽，潛在回報率又係近翻半番。
錢雋