一連兩場「黃凱芹再遇伊利沙伯演唱會2013」前晚在伊館圓滿結束，獲汪明荃（阿姐）捧場，Chris又邀請阮兆祥做嘉賓，祥仔說：「以前同你一齊做DJ，我嗰時仲係𡃁仔。」Chris笑稱祥仔如今是巨星，又踢爆對方曾在街頭痛哭。
Chris落台與歌迷握手時，被熱情歌迷感動到喊，他說：「好好彩，出道至今一個獎都冇攞過，你哋仲當我偶像。」全晚表現落力的Chris，更一度忘形走光大晒豬腩肉，及至最後唱《海闊天空》時又疑因淚水影響搞到走音。事後Chris解釋：「有歌迷送花時講咗一句『好唔捨得你』，令我一時感觸。」他又大騷手臂上被熱情歌迷抓傷的指甲痕，並透露將返加拿大，問是不是最後一次演出？他說：「唔知，每次心態都當最後一次。」
採訪：李珮洳
攝影：陳慧安
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/