「大細威」威廉絲同莎蓮娜呢對女子網球壇姊妹花，近十幾年贏盡大賽，又試過連番受傷而差啲要退役，細威仲喺09年美網因為侮辱裁判而被取消資格，歷盡人生高低起伏。美國有製片人拍咗齣紀錄片《Venus and Serena》，紀錄呢對姊妹場內外嘅生活，仲訪問咗網球名宿麥根萊、前美國總統克林頓等重量級人物，誠意同綽頭都十足，套片星期四（4日）率先喺iTunes上架，下月10號全美影院公映。另外，美國《時代周刊》啱啱公佈咗本年度「全球100位最具影響力人物」評選嘅153人候選名單，當中有10位係運動員，網球界已經佔3席，包括有細威，中國嘅李娜同埋英國嘅梅禮。