【特稿】
今次捲入「秘撈」事件，而遭處分的消防員據知有20多人，當中亦包括救護員。記者昨晚聯絡到其中一名收到處方發出擬終止聘用通知書的消防員，他表示：「暫時唔想多講，有需要會搵你。」
據知，引爆「秘撈」事件的是一名消防總隊目，他早年在一家保安公司做兼職，後發現該公司承包不少大型活動，常需要一批臨時保安員，於是向同袍招手。
「其實消防『咬咖喱』（即做兼職）都好平常，不過佢哋太高調喇！」一名曾被招攬做保安的消防員直言，該保安公司主要承辦大型品牌活動、Catwalk騷、拍賣會等，就連展銷會、珠寶展的保安工作亦有承包。
此類工作難免會令兼職消防員的樣貌被媒體拍到而曝光，有些更要離港數日赴外地工作，有人便請病假去兼職，惹來其他同袍不滿，覺得太肆無忌憚。
不過，由於兼職薪酬吸引，令不少消防員願意「踩鋼線」。有人向記者說，「保安公司時薪100元，包鐘10個鐘，有時唔夠10個鐘都照計，超時每個鐘100元，幾好搵㗎！」
《蘋果》記者