上回祈望蒼天有靈，讓鬥牛兵不能奏凱巴黎；但法兵畢竟今非昔比，前鋒破關乏力，賓施馬仿似中了魔咒，10多場國際賽交白卷，但仍受重用攻堅，令主隊穩守之餘，反擊時欠匕首破敵，終於久守必失，讓一眾玩敵之徒1球小勝，「報應」還得求諸他朝！
不過，若說「死裏逃生」，則西班牙之毗鄰意大利，可謂此中能手，亦屢屢與賭波醜聞有關。2006年世盃前夕醜聞爆發，但仍於世盃奪魁一役，姑且不說；1982年於西班牙世盃奪魁，亦是「估佢唔到，敗部復活」之經典。
當時，意大利球壇受假波案所累，一片愁雲慘霧，隊中射手羅斯（Paolo Rossi）亦剛坐完波監，就得臨危受命，為國效勞！結果是於小組賽粒顆全無，令意國僅憑得失球差晉級次圈，跌入死亡之組而面對巴西、阿根廷兩支南美勁旅，可謂命懸一線。
豈料，藍衣郎卻仿似脫胎換骨，先勝有馬勒當拿助陣之阿根廷，到遇上攻力至強之森巴兵，竟又由於對手好整以暇，玩敵誤己而節節領先，最終以3:2取勝，奪得次圈小組首名出線，進而先敗波蘭，再於決賽以3:1勝西德，圓3奪世盃之風頭！而白卷王羅斯竟又於打敗巴西一役連中三元，最後又積6個入球，而膺當屆神射手之銜，一洗「假波王子」之晦氣！
不過，當時巴西隊前鋒擁有薛高、科高、蘇古迪斯、祖尼亞等球星，盡演森巴足球強攻之力，連左腳王伊達亦要擔當「擦鞋仔」腳色，卻於關鍵一役屢失大意球，世紀之敗，到底安於天意抑或人為？可謂想都無謂！
長毛
mailto:[email protected]