「大帝」聲勢如日方中，場外亦都係一剔牌嘅領軍人物，不過論到廣告天王，占士只係3哥；最近hoopshype網站統計各大球星嘅廣告數量，第1原來係杜蘭特，第2就係拜恩，換言之一剔牌3子玩晒。
近日KD就有個新嘅Gatorade廣告出爐，入面係話佢開頭唔夠熱火嘅獲迪揪，連入樽都俾佢一巴打走，之後猛飲能量飲品，再苦練一排，終於反敗為勝。連埋呢個廣告，原來KD總共有62個廣告咁多（見附表），其他包括Foot Locker、Champs等運動用品店，止汗劑等。KD形象正面，又乖仔，受歡迎都好合理。
拜恩勝在瓣數多
第2嘅拜恩亦唔弱，有成42個廣告，瓣數亦多啲，例如同美斯一齊拍嘅土耳其航空、同占士拍嘅雪碧，就連著名電玩遊戲Call of Duty都搵過佢代言。至於尼殊同真路比利就分列4、5，後者喺南美地區極多fans，唔怪得上榜。文：仙道彬