艾華遜（AI）雖然年過37，不過費城球迷對呢位一代NBA巨星都仲好尊敬，始終AI喺76人拎過MVP，又殺入過總決賽，輸畀當時得令嘅湖人都好無奈。AI喺上周六返76人嘅主場，為球隊對山貓進行開球禮，觀眾既可拎到佢嘅搖頭公仔，又睇到向佢致敬嘅短片。AI喺2011年俾土耳其球會比錫達斯放棄後，就一直冇班落，不如76人考慮第3度邀請佢加盟啦！