之前飲酒飲到幾乎冇命嘅英格蘭名宿加斯居尼，最近搵到一樣嘢抗酒癮，就係糖果嘞！趁住復活節，加薩嘅養女比安卡同個仔列根去咗佢嘅屋企探佢，而從列根喺社交網頁twitter上載嘅相片中，可以見到加薩屋企嘅糖果存貨，分分鐘多過士多，既有三角朱古力，又有棉花糖、軟糖同波板糖等，難怪列根喺twitter到話：「爸爸話佢間屋係超凡糖果屋嚟㗎！」