【奇招套現】
眼光獨到的「超人」李嘉誠，早於去年已想分拆長實（001）旗下擁有香港四間酒店的Horizon獨立上市，不過由於當時市況太差而擱置，豈料數月過後給他想到更妙的奇招，就是將其中一家酒店雍澄軒的房間拆售，短短數日套現逾14億元，有指獲利較分拆Horizon上市更佳
「市民計數冇投資者咁叻」
長實原計劃分拆旗下四間酒店，包括為馬鞍山海澄軒海景酒店、紅磡灣海灣軒海景酒店、海韻軒海景酒店，以及已拆售的葵涌雍澄軒酒店上市，集資額約62億元，分拆後長實及和黃（013）將持有至少30%權益，雖然當時Horizon已通過上市聆訊，但由於市況欠佳而被迫擱置上市計劃。經過多個月後，長實想出拆售酒店房間的「絕橋」，成功合法地將葵涌雍澄軒合共360個房間，在短短40小時內售罄，套現逾14億元。
訊匯證券行政總裁沈振盈認為，長實拆售雍澄軒酒店房間的確較分拆Horizon獲得更高利潤，「除咗之前佢想分拆嘅市況唔得，最重要係，分拆公司出嚟，啲投資者會識得計數，會覺得你件貨太貴。但分拆酒店房，市民計數冇投資者咁叻，咁酒店房咪會賣得好價錢囉！」