張可頤與劉美君等前晚在鯉魚門出席香港電視新劇《客家女人》煞科宴，可頤遲到近一小時，她解釋是因塞車，又透露將裝修屋企，但不會刻意擺桃花陣。可頤更力撐高皓正幫人驅魔，她說：「佢乜都唔驚，攞聖水周圍灑，個兩歲女童就話露台出面有叔叔。其實佢都係喺節目上講，唔使小題大做。」談到高皓正早前發表的戒自瀆論，可頤表示：「性好平常，冇問題，但做藝人少講為妙，每個人參透力唔同。」
劉美君將於下周返美國休息，她說：「4月無綫有個歡迎四大唱片回歸嘅派對，但我要休息，短期內唔會見。」另外，馮素波透露江毅將於明日設靈，喪禮以佛教儀式進行，她會為好友誦經。
採訪、攝影：譚倩宜
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/