西悉尼流浪者噚日作客3:0大勝噴射機之後，加入澳職第一季就常規賽封王，亦令希斯基效力嘅噴射機，連續3季同季後賽擦身而過。至於迪比亞路效力嘅FC悉尼，前日作客1:3輸畀獅吼後，爭上季後賽尾班車機會都未樂觀；事關只要今日光輝喺阿聯身上拎到1分，FC悉尼就肯定無緣季後賽。球迷想再睇迪比亞路獻技，可能都要等下季喇。