CBA總決賽噚晚上演第4場，易建聯領軍嘅廣東作客山東依然發揮出水準，大勝94:74，結果直落贏4:0，捧走象徵總冠軍嘅至尊鼎，真係威爆！整場波都幾一面倒，山東除咗初段領先過兩分，其餘時間都處於下風，廣東半場領先9分。第3節山東力追，完呢節嗰陣只係落後62:65，但第4節開始冇耐，周鵬同王仕鵬連入兩個3分球，再將比分拉開，比賽最後嗰幾分鐘，已變成垃圾時間。廣東第8度稱霸CBA，最威當然係今季由NBA「回巢」嘅易建聯，攻入24分同搶到13個籃板，賽後大熱當選總決賽MVP，連埋早前獲選常規賽最有價值球員，可以話係三喜臨門。28歲都唔後生，唔知今次「易帝」封王後，會唔會有機會重返NBA呢！