無綫新劇《神槍狙擊2013》終於煞科，男主角張兆輝前晚在尖沙嘴請劇中演員食飯，陳煒、岑麗香、徐子珊、樂易玲等皆有出席。子珊笑言原本想與張兆輝一人一半，不過被拒，她說：「可能我哋做細，唔畀我請，我帶咗幾支香檳嚟畀大家飲，我唔識飲就淺嚐算。」她透露將休息一個月，並會去台灣探望家姐一家。
張兆輝承認拍劇試過連續開工30小時，但否認炮轟無綫：「我冇，我係無綫訓練班出身，做人要飲水思源。其實都係一日咋，之前休息多，之後咪堆埋一齊拍，但演員係需要休息。」他表示發嫂（周潤發太太）曾安慰他，指人紅才會被人寫，叫他不要太在意。另外，陳煒下月將陪老公去巴黎公幹，她自言是跟得夫人，問會否趁機造人？她說：「好大責任，戥人開心先啦！我哋唔急。」
採訪：胡比
攝影：陳慧安
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/