摩連奴嚟緊歐聯8強要領皇馬出戰加拉塔沙雷，不過，摩佬反而擔心佢老友安察洛堤領軍嘅巴黎聖日耳門，嚟緊點樣抵抗巴塞。摩連奴早排帶領皇馬喺西甲同西盃雙殺巴塞，自然要指點吓老友；肥安就話皇馬嘅踢法根本就唔啱聖日耳門，自有辦法對付巴塞喎。另外，肥安希望季尾約滿嘅碧咸下季留隊，唔知咸爺又點諗呢？