賣盤失敗，即時重整旗鼓，再博發圍，常銘記一句話，一天未離賭枱，一天未知鹿死誰手，最重要沉着應戰。比利時高大中鋒盧卡古去季高價投車仔未有表現，今季借到西布朗即發圍成功，已攻入13個聯賽入球，個人前景秀麗；今晚在前線領軍作客鬥護級未坐穩船嘅韋斯咸，受讓必取下盤。
國際賽期間盧卡古又做閒角，隨比利時去完馬其頓再返國鬥過，坐足180分鐘冷板未有出場，相反另一英超兵、今季喺維拉打起嘅賓迪基卻幾乎踢足；兩者效力嘅球會邊間會高興啲，顯而易見。西布朗目前排第8，高不成低不就奠定餘下賽程風流波地位；但今季每喺受忽視下踢出彩虹，翻查今季作客受讓平/半，4戰盤路3勝1輸，對下游必贏盤，今次排名低6級嘅韋斯咸主場少讓，主隊喺續缺兩大中場靈魂麥克盧保及路蘭下，前線有銀樣蠟槍頭嘅另一高大借將中鋒、今季僅入3球嘅安祖卡路爾壓陣，威力更減半。
冷選，續博上次重點提供嘅修咸頓迎車仔連捷開冷W；修頓班波換咗新帥威力更上層樓，降班危機小弟認為比韋斯咸還低，對手車仔班國際兵團會畀本月密麻麻賽程玩殘，尤其季後走人嘅賓帥對待聯賽嘅心意難測，可作賭友中線狙擊對象，地獄賽程來到第一擊，寧枉勿縱。
明天英超獨腳戲，心雄維拉迎海鮮波利記，首循環利記主場一敗塗地負1:3，今場必打醒精神，莊家再開作客讓半/一盤或有道理；個人認為兩軍可繼國際賽期後，多唞其他球隊一天，利鬥攻開入球「大」。文：蘋果波神（下次見報日期：06/04）