【想你十年之生前點滴】下周一是張國榮（哥哥）逝世10周年，其生前好友和親姊張綠萍早前分別接受訪問，細訴哥哥生前點滴。關錦鵬指03年台灣導演楊德昌想請哥哥演出電影《刺殺》，最後哥哥卻辭演了，事後他伸出雙手向關錦鵬解釋說：「我震到咁，我狀況咁點拍。」張綠萍就透露哥哥曾疑惑問「我點解會有抑鬱？我又有錢，又有咁多人疼愛我。」最後哥哥走上自殺不歸路，各地哥迷同哀。
張國榮03年在文華酒店自殺身亡 ，雖然他走了已經有10個年頭，但哥哥的歌迷和親友還是對他念念不忘，日前關錦鵬接受商台節目《1圈圈》錄音訪問，該訪問今日播出，他回想03年哥哥出事前，楊德昌想找他拍戲，但結果哥哥以健康為由推掉。
傾拍戲雙手狂震
關錦鵬說：「大家都知佢有睇精神科醫生，我出發去上海前，楊導演（導演楊德昌）想搵佢拍《刺殺》，Leslie（張國榮）搵埋我喺佢屋企見面，佢坐喺度將手放喺大髀，傾偈都仲傾得OK，但佢不停飲熱飲。後來導演走咗，我問Lesile點解咁？唔係好想同楊導演合作咩？跟住佢畀隻手我睇，佢話：『我震到咁，唔係話怕，但我狀況咁點拍！』」關錦鵬讚哥哥很照顧新人，當年他拍電影《烈火青春》時跟葉童有場大膽戲，關錦鵬說：「哥哥用身體令葉童感到溫暖同安全感，佢好體恤人。」問拍《脂胭扣》時梅艷芳備受注目，哥哥有否不開心？關錦鵬說：「唔會，佢睇劇本都知戲唔及阿梅，但為套戲跨刀，只係成就咗套戲。」
哥哥跟家姐張綠萍姊弟情深，早前張綠萍受訪透露弟弟的抑鬱症是緣於腦部化學物品不平衡，是生理上的，她說：「佢有幾次打畀我講再見，嚇死我！初時佢成日問我：『我點解會有抑鬱？我又有錢，又有咁多人疼愛我，我又咁開心！』佢唔覺得自己有病，連醫生開嘅藥都唔食。」張綠萍指當年哥哥怕被記者影到看精神科醫生，故每次都是約醫生到她家中看病，又常致電跟她說：「大姐，我仲未好，你過嚟啊！」她就立即放下工作去弟弟家。
曾想求助白龍王
哥哥自殺前，其實試過很多方法治病，連白龍王他都想求一見，希望白龍王為他指點迷津。據悉哥哥過世前兩周，哥哥找過林建岳，希望在港見白龍王，當時林建岳幫他安排兩人在某個早上見面，但臨見面前一小時，白龍王還是說：「不必見了，我幫不了他。」後來哥哥在文華酒店跳樓自殺後，有朋友表示常夢見哥哥一臉愕然在酒店門外徘徊，哥哥好友鄺美雲和向太陳嵐聞言後特地到窩打老道一間佛堂，為哥哥誦往生咒超渡哥哥。
此外，「繼續寵愛．十年．紀念展」原定昨日在時代廣場開幕，其中展出歌迷摺的200萬隻紙鶴，申請列入健力士世界紀錄大全，但由於驗證世界紀錄需時，展覽延至明日舉行。
採訪：王連連
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/