尹佩斯近日接受荷蘭雜誌訪問，話想喺紅魔掛靴，「喺嚟緊幾年，我都會留喺曼聯，可能會留更耐。曼聯係我職業生涯最後一站。」尹佩斯今季由阿仙奴加盟曼聯，入咗19個英超入球，係紅魔首席射手。雖然尹佩斯公開話想長留曼聯，但奉勸曼聯球迷唔好太認真；始終世事難料，一年前尹佩斯都話好愛阿仙奴，𠵱家咪又做咗紅魔鬼。