湖人近3仗全輸，季後賽形勢變得異常險峻；周三佢哋作客木狼，憑中鋒懷特侯活交出25分、16個籃板、5次偷波同5次封阻嘅超勁成績，一路都領先住木狼。點知第4節主隊突然谷一段12:3攻勢，兩隊差距只得3分。拜恩喺完場前疑似侵犯射入追和3分嘅西班牙小狼盧比奧，但係球證漏吹，湖人以120:117險勝主隊。攻入31分嘅拜恩贏波之後勁招積，喺facebook上載自己上飛機嘅背面相，成個賭神咁！
「禪師」亂玩twitter
此外，拜恩恩師積遜教練嘅女友珍妮畢斯，宣佈未婚夫終於玩twitter；不過唔知「禪師」係咪慶祝玩twitter飲多兩杯，定係佢有讀寫困難症，第一條留言本來想晒自己做教練嗰陣得到嘅11隻冠軍指環，但係就打咗「11 champ;ipnsikp[ ringhs」，搞到10萬個禪師迷頭都大埋。