雖然上年立法會選舉，唔可以循港島區成功連任，但冇咗議員身份嘅公民黨陳淑莊Tanya，同以前一樣咁忙，至少貴為副主席嘅佢，𠵱家要抽多啲時間兼顧黨務，好似公民黨稍後嘅籌款晚會，佢都要瞓身主理，據知佢最近就忙四出搵人捐出珍品供晚會拍賣。搞黨務之餘，佢亦係時候回歸幕前。
頂替王慧麟開咪
今次Tanya唔係做舞台劇，而係去咗now新聞台朝早嘅《時事全方位》節目做主持，頂替要放一個月假嘅王慧麟。王慧麟係Tanya港大法律系師兄，Tanya自然樂意頂更，噚日開始逢星期四朝早（除4月4日外），佢都會做客席主持，直至4月尾。佢開咪前都會做足功課，慎防被考起。