蔡少芬（Ada）於本周一平安為張晉剖腹誕下重8磅12安士（約8.8磅）的第二名女兒張信兒，休息3日後，昨日她在老公陪同下出院，自誇張家「一門三美」的Ada更封老公做奴隸獸，指老公很幸福，坐擁大婆、二奶及小三，不過Ada就揚言收爐封肚，無意再為張家添個兒子。
現年39歲的蔡少芬去年再度懷孕，但因屬高齡產婦，更曾發現胎盤出現裂痕，令她一度擔憂，幸而母女平安，本周一（25日）她在嘉諾撒醫院剖腹誕下重8磅12安士的第二名女兒張信兒。
昨日Ada在老公陪同下於中午12時多出院，張晉挽着嬰兒籃，細心拖住Ada出來見傳媒，兩人更大派兔仔朱古力。由於昨日刮風下雨，Ada為怕着涼戴上圍巾及cap帽，全程笑臉迎人。而愛女名字是由張晉所改，他說：「信喺對上帝有信心，兒代表神同張家嘅兒女。」
Ada說因第一胎陣痛12小時後才剖腹開刀，所以今次一早決定開刀。由於傷口未埋口，老公要全程服侍，她更得戚說：「佢𠵱家係我嘅奴隸獸，佢好幸福，有大婆、二奶同小三。」
張晉：再生我都好攰
至於會否再為張家繼後香燈追仔？Ada即大反應說：「夠嘞，唔好玩，張家唔需要咁追，當初都係想畀個伴楚兒。」張晉亦坦言：「再生我都好攰，見佢陀得好辛苦，有時起身都起唔到，今次比第一胎仲緊張，因為第一胎乜都唔知，第二次知晒所有程序就更加緊張，生出嚟先放心晒，今次我入咗去有剪臍帶同拍片，對女人嚟講生仔好大件事，喺個肚開咁大個窿，唔係咁簡單。」
Ada指家姐楚兒對妹妹好細心及保護，連阿姨想抱妹妹都say no，得知有妹妹後亦興奮得不願睡覺，Ada笑說：「見到咁靚嘅product，真係唔捨得放低，呢個月會全力湊佢，之後先開工，今次冇上次咁辛苦，而且係最後一次，所以會好好記住，連痛嗰part都記住。」
採訪：楊潔雯
攝影：黃偉雄
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/