巴西嘅夏維蘭治球場被發現結構出問題，球場上蓋有倒塌危機。球場已經喺周二關閉，進行緊急維修，但未知幾時重開。當局話問題非常嚴重，暫時未有解決方法，需要用兩個月時間仔細研究，之後先可以定到重開日期。報道指，一旦風速超過每小時63公里，上蓋就會有可能倒塌。呢個球場開咗6年，將會喺2016年舉行奧運嘅田徑賽事。