由紐約返嚟之後，巴塞隆拿主帥維蘭路華開始接手番教練工作，周五主持球隊操練，但未知會唔會喺周六作客切爾達嘅西甲復出督師；而賽前記者會都係由助教佐迪洛拉出席。維蘭路華上年底腮腺癌復發，之後大部份時間都留喺紐約接受治療。另外，巴塞前鋒柏度洛迪古斯拉傷小腿肌肉，要唞10日，除咗對唔到切爾達外，下周中都好可能缺席作客巴黎聖日耳門嘅歐聯8強戰。