【怨聲載道】
食物及衞生局因推行限奶令而飽受批評，昨有電台節目指，限奶令主將食衞局常任秘書長黎陳芷娟已請辭，暗示限奶令政務官「做得唔開心」，黎太回應指「絕無其事」。據悉過去一個月審議限奶令的會議頻密，而且政府要提出修訂，一眾政務官壓力沉重。
商台節目《在晴朗的一天出發》昨引述消息人士指，限奶令原應由商務及經濟發展局負責，現「卸膊」致食衞局工作量暴增；該局政務官要接聽24小時海關查詢熱線，怨聲載道。黎陳芷娟已辭職，食衞局正挽留。
黎太昨否認辭職，「絕無此事，呢啲冇根據嘅傳聞，都唔知邊度嚟。（有冇遞辭職信？）冇！」被問到局內同事是否有怨氣，她說同事全心全意服務市民。民主黨單仲偕在立會上對食衞局表示同情，認同事件處理原應由商務及經濟發展局主導。黎即澄清食衞局須就食物供應政策負責，力撐分工「冇問題」。
據悉，食衞局安排一至兩名副秘書長以下的首長級政務官，接聽海關的查詢。該局確因推行限奶令增加工作量，尤其過去一周開會兩次，又要提出修訂，但士氣沒低落。
《蘋果》記者