《The Partnership:The Making of Goldman Sachs》,中譯《高盛帝國》呢本書早年長期放喺書店當眼位置,主要按高盛歷來掌舵人,講番呢間美資投行嘅威水史,輕易成為財經界嘅暢銷書,華華家中亦有一本。
推薦員工閱讀
中信證券(6030)董事長王東明睇完呢本書後,唔知係咪想照樣打造個「中信帝國」,所以推薦畀員工閱讀,即係叫員工刨熟佢,睇吓人哋點樣做得咁成功。
佢幫呢本書嘅中文版寫前言:「對於中國的投行人士而言,高盛過去經歷過的東西很可能就是我們將要經歷的」。八卦人士亦透露,中信證券計劃推出另類投資基金,包括對沖基金,呢類業務喺華爾街普遍到暈,但中國就剛起步,難怪要員工刨書啦。