日模松岡李那日前俾本報影到同林子祥個仔林德信（Alex）喺中環夜店又攬又錫，前晚着住透視裝嘅松岡，唔知係咪有愛情滋潤，脹爆現身尖沙嘴嘅《義勇群英：毒蛇反擊戰3D》首映禮，佢一影完相就好驚青嗌走，話唔做訪問。記者問松岡係咪同Alex約會？佢即刻話：「No！」咁係咪咀嘴？佢即用英文話冇呀，唔講喇，然後速閃。
至於林德信噚日喺旺角出席活動時，好似同松岡夾過口供，佢話：「冇錫、冇拖，只係相片角度，現場音響好大，自然要挨近啲講嘢。」問佢同松岡有冇發展機會？佢話𠵱家最緊要做好音樂，不過佢都大讚松岡為人好好，成日好開心，仲話如果拍拖一定會公開。
撰文：馮仁昭
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/