吳千語和吳雨霏等前晚在上環出席時裝活動，千語透露忙於拍攝飲食節目，問會否帶男友林峯試美食？她說：「佢唔喺香港，去咗橫店拍劇三個月。」她透露會捧男友的新片《忠烈楊家將》場：「絕對會，加上係老闆戲，有咁多靚仔演員。」林峯與吳尊那個較靚仔？她說：「各有各，我識阿尊，首映未必去，之後一定買飛睇。」會否包場，她說：「可以諗吓，係老闆啲戲，兩個同等重要。」
此外，吳雨霏表示不知道前緋聞男友林德信與松岡李那拍拖，至於自己的戀事，她說：「我想低調，不過每個人處理方式唔同。」她表示忙於5月巡迴演唱會：「會留飛畀屋企人同朋友睇。」記者笑她余文樂是屋企人，她即大笑。
採訪、攝影：盧妹
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/