日本「SM情色女王」壇蜜，你唔識？唔緊要....𠵱家話過你知。壇蜜今年33歲，係擁有33D嘅日本女星。咪一聽到「SM情色女王」個朵就以為佢係重口味動作片演員，其實佢拍嘅可以喺戲院上映嘅藝術電影。
壇蜜嘅三級電影《做我的奴隸》，近嚟大受好評。而佢嘅最新寫真集，仲附送底褲仔，由佢自己設計㗎，條橋好掂，初版推出兩萬本，即刻賣晒，要火速加印﹗
日前壇蜜出席佢最新寫真集嘅發佈會時，仲高興到當眾除底褲，仲大講鹹濕話題添。去年香港嘅「𡃁」模黃榕都試過喺寫真簽名會上，興起即場除泳褲送俾男fans，不過佢就著咗T-back打底，而今次壇蜜裡面，佢話冇打底㗎！