如果萬一英國突然回頭說：不如香港跟番我地，你點睇？
英國官方網上聯署平台e-petition，有一條名為「香港的民主」的聯署，逾千英國人聯署要求英國與中國談判，爭取香港回歸英國領土。或讓香港獨立。
讓幻想飛一回，如果英國政府唔知short咗邊條筋，居然飛到中南海和習近平攤牌：英國想香港回歸，有無得傾？如果習近平又唔知點解short咗條筋，竟然話：一切以港人意願為依歸。
請問，香港人，你會點揀？
這並非沒有前科，蘇格蘭2014年將發起公投，投票是否脫離英國；魁北克也試過公投，是否脫離加拿大。香港人如果公投，你點揀？答案不重要，原因才是關鍵。
譬如百分百港人反對回到英國管治，這不代表香港人愛國，可能只是因為「中國發展好過英國，跟大佬揀個有實力的大佬」，西瓜靠大邊。如果英國實力比中國強大，香港便可能跟英國了。
或者百分百港人反對跟英國，理由卻是擔心激怒中國，斷香港米路，遲早乞食。
這也不是愛國的理由，只是出於現實考慮。如果說，中國保證不報復，繼續經貿來往，難道香港人便會獨立？
大部份「香港不會獨立」的理由，其實都不是因為「純粹」的愛國，而是非常現實的經濟計算。
甚麼叫純粹的愛國情懷？不論國家富貧、不論獨立的好壞，純粹認同一國的文化血脈傳承，就像你不會為了李嘉誠有錢而認佢做老豆一樣（弒親都做得出，呢樣好難講），這才叫真正愛國。
問題是，阿爺不斷力sell的國家認同，都是「大國崛起、經濟騰飛、發展迅速、優惠香港、送禮泵水」，錢以外，有無其他令港人難以割捨拋棄的愛國情懷？
單靠送錢維持關係，那不是愛，是小三。