蔣怡恃大肚做女王

蔣怡恃大肚做女王

娛圈蛇B將陸續出世!懷孕5個半月的35歲名模蔣怡與老公翁狄森前晚到中環出席Sergio Rossi展覽酒會,大肚的她無懼危險穿上4吋半高跟鞋。對於大肚多月身形仍很瘦,她說:「之前重咗五磅,𠵱家應該再重啲,上圍有升cup,好開心個個都好照顧自己,自己好似女王咁,以前唔做嘢會內疚,𠵱家就光明正大,擺明唔做嘢都得。」
蔣怡自言工作繼續,會定期飛到北京主持節目,又計劃影大肚裸照。翁狄森則讚老婆肥咗又靚咗:「以前瘦嘅地方圓晒仲靚,最怕女人骨杉杉,佢飛去北京,我有時間會陪佢。」
採訪:胡比
攝影:陳志嵐

大肚蔣怡與老公翁狄森出席酒會,她開心謂懷孕後升了cup。

想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/