民建聯不定期刊物《建報》又出爐，成班領導層，包括元秋蔣麗芸在內噚日親自去到中環畢打街派街坊。雖然派報時候正值中環友開飯時間，行人路上人山人海，但啲途人似乎唔多受落，主動攞報嘅人認真唔多。附近報販更加口出怨言，見到譚耀宗喺度派嘢時大叫：「唔好喺度派呀，影響生意呀!」譚耀宗聽完冇反應，但就靜雞雞行開少少，當冇事發生過。
中環友唔使拎報紙去賣，為乜嘢要拎《建報》呢？事實上呢份表面上係民建聯立法會議員嘅工作報告，實際上係一份廣告雜誌，當中有齊九個議員專訪，仲將蔣麗芸封做「俠女」，讚佢不平則鳴，hard sell得攞命。