郭富城一連九場嘅紅館騷前晚圓滿結束，雖然唔見正印熊黛林同緋聞女友苟芸慧捧場，但都有沈嘉偉、林家棟嚟睇，連梁振英兩位千金同李慧詩都有捧場。雖然Lynn冇到，難得城城一樣high爆，仲嚟個壓軸除衫騷八嚿腹肌，佢好滿意自己身形，不時自摸，又預告會開part 3，搞到觀眾都high埋尖叫！
對於Lynn睇唔到爆肌，城城例牌避談，至於世紀握手，佢就話：「每個嚟支持我嘅朋友都想同佢握手！」講到同苟芸慧嘅緋聞就話係誤會，大家見面唔會尷尬，亦唔覺得佢製造緋聞！至於本來一頭藍髮去到慶功已經變黑，城城講笑話：「藍（爛）桃花嘛，完騷就洗囉！」有人讚佢聽話鏟走爛桃花，城城即哈哈大笑。
撰文：洪紅克
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/