友人最近交了外籍男友，生活習慣開始「全盤西化」，煮西餐、飲紅酒，上周末更陪同男友到大球場睇咗3日Rugby Seven。雖說是「陪」，但這位友人絕非只呆坐男友身旁玩Candy Crush，而是非常投入，又叫又跳，還不時在WhatsApp瘋傳穿着欖球戰衣打氣的照片；能令大批平時不諳體育的OL也如斯瘋狂，七人欖球確是辦得非常成功。
相對傳統15人欖球，經常出現球淹沒在人堆中的混戰場面，「七欖」確是節奏快、速度高，易明兼刺激得多；難怪比起傳統欖球在不同洲份有更多支持者，下屆里約熱內盧奧運重新納入欖球，也是選擇了七人欖球制。
覺得好睇，自然想玩埋一份。可惜七人欖球要在公眾參與的層面上普及，仍有不少難度。首先是場地問題，經常跌倒地上混戰的欖球，一定要在質素不太差的草地或仿真草球場作賽，比起一塊硬地便可開波的足球、籃球，自然較局限。
最重要，是欖球需要極之激烈的身體碰撞，「天生」已把兩類人：怕傷的和像我這樣骨瘦如柴的拒諸門外。就算是衞生波，就算我唔撞人，當拿着皮球，要抵擋對方所有拉、撞、推、扯等「合法」攔截動作，確非「普通人」可以招架得住。想到此便明白，為何足球始終被喻為全球最受歡迎運動，因為無論高矮肥瘦，男女老幼，都必定可在足球場找到位置。唔緊要！做唔到球員，下年七欖再做觀眾，一樣過癮！
方柏翹
now足球評述員