黃秋生、陳小春、鍾欣桐（阿嬌）及其韓籍男友，前晚在尖沙嘴出席新片《葉問—終極一戰》首映禮，秋生親自邀請了阿嬌男友捧場，反而沒請曾演葉問的梁朝偉、甄子丹，甚至起罵戰的杜汶澤，秋生指請嘉賓應是老闆的工作。
有消息指秋生拍《葉》片期間，搭上戲中演他小三的26歲內地露點奀星周楚楚，當問到秋生為何女主角缺席時？他卻將女主角袁詠儀誤解為周楚楚，秋生說：「佢（楚楚）喺大陸包場請大陸演員睇，所以嚟唔到。」記者糾正所指的女主角是袁詠儀，他才說：「唔知點解佢失咗蹤喎，唔知佢喺邊度拍緊戲。」
問秋生會否請杜汶澤睇戲，讓他知道何為演技？秋生說：「戲個個都可以睇，乜演技人哋唔識咩，咪當人唔識先得㗎！」最近在一項關於免費電視的調查中，有51%受訪者不滿亞視節目，曾效力亞視的秋生也說：「哎吔！我工人唔覺意轉咗去亞視，我都叫佢轉番，費事睇到嚇死人，嗰日咁啱睇到有個博士幫佢做訪問，問嗰個同受訪者夾硬講難聽國語，好似小丑咁。」
采兒預產期7月
此外，快為人父的小春非常風騷，老婆應采兒預產期7月，已知是男孩，小春興奮說：「本來冇所謂，但照肚時我都不停叫一定要有，結果真係，好開心。」阿嬌獲男友撐場晒恩愛，她說：「佢好鍾意睇戲，仲介紹戲同韓劇畀我睇，又教我韓文。」
採訪：藍文浩
攝影：陳志嵐
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/