「牛下女車神」李慧詩（Sarah，圖）噚日由世界單車冠軍變成做演講嘉賓，應浸大宗教及哲學系邀請，首次到浸大校園開talk，題目係「宗教與運動人生」。驟耳聽落好似好嚴肅，但都有超過100人入場，而且全長個半小時嘅演講，Sarah都講得好生動；佢話篤信基督教，教曉佢謙卑同服從性嘅重要，仲不斷提自己嘅座右銘：「用心同努力去做，就一定會成功。」之後嘅觀眾交流環節，出現個搞笑場面，有位觀眾問佢喺倫奧有冇見到碧咸，覺唔覺得佢靚仔，Sarah諗咗幾秒後答：「冇呀，我一直唔會對其他運動員有太大期望！」估唔到Sarah踩車叻，連棟篤笑能力都幾高！