打理大戶人家嘅別墅，絕對唔簡單。Sonia話，雖然老董唔係成日嚟別墅，但佢哋一屋六個工人，都要確保三層高、六間客房嘅別墅井井有條，平日早上7點起身開工，即使別墅冇人住，都要keep住打掃、淋花，勤力過朝7晚11嘅老董。
如果當日夜晚董宅有聚會，就要晨早流流6點起身打點，做到晚上12時先有得瞓。
Sonia仲話，見證住老董由家族公司東方海外揸fit人到成為香港首任特首，老董為人或者性格一直冇變過，知道佢平日工作壓力大，到別墅享受私人空間時，都唔會扭開電視機，盡量希望清靜一下，所以每當老董嚟到時，佢哋班工人都會保持安靜，做家務都輕手啲！