【本報訊】巡迴演唱會聽得多，輪迴演唱你聽過未？昨日網上有人上傳一張酒樓夜總會「紅歌星輪迴演唱」廣告，「輪迴」即「投胎」也！網民笑爆嘴之餘，亦挑起他們的好奇心：「邊位紅星輪迴演唱咁激呀？」有人答嘴戲言：「難道……哥X會叫埋梅X同羅X一齊同台唱好香港？」有學者聞言都說：「好明顯係一個笑話，睇到一定會笑！」
經理解釋為輪流巡迴
「輪迴」演唱廣告來自石硤尾大坑東邨一間酒樓，其實四年前網上早已有人講過，當年廣告還註明藝人羅浩楷獻唱，如今羅浩楷沒有應邀演唱，但「輪迴」演唱會不變。廣告再次在網上傳閱，網民你一言我一語，「好邪啊！」「大家訂咗座未呀？」「冇陰功呀！搵食啫，香咗又要輪迴再唱，唱完又要香過！」酒樓姓駱經理昨解開「疑團」，解釋輪迴可以理解為輪流巡迴的意思。
該酒樓分為兩層，地下是一般用膳地方，樓上則是夜總會，每晚7時開始有晚舞，11位酒樓歌手在不同日子及時段出場演唱，人均最低消費120元，周六130元。駱經理對「輪迴」廣告不以為然，認為文字理解見仁見智，且無影響夜總會生意，無意更改廣告字眼。他續稱，酒樓約有30年歷史，老闆鍾情懷舊歌舞，遂夜總會設有茶舞及晚舞娛人娛己，主要做街坊生意，老一輩食客通常三五知己捧場。
香港教育學院語言學及現代語言系系主任張顯達教授聞言笑謂：「好似前面一個歌手落台，到另一個投胎上台囉！」他表示，現今輪迴一詞主要用於佛教投胎轉世，雖根據文字記載，公元557至581年北周時期，有人以輪迴表達循環不息，但近代此詞已另作他解，「𠵱家廣告係畀一般人睇，咁唔係一個好嘅用法」。
張顯達估計，設計廣告者並非不懂「巡迴」這詞，「可能佢認為班歌手唔係走嚟走去，只係輪流駐場，所以唔用」。他提議改為「接力演唱」更顯淺易明。
