王賢誌前日在電台節目默認同志身份，而且已經拍拖四年，更打算結婚。不過他昨日在尖沙嘴出席活動時，問他可會與男友公開亮相，王賢誌突然故弄玄虛說：「我冇承認過我有男朋友！」然後又指「大家明白就得」，認真耐人尋味。
王賢誌、周慧敏、Jocelyn、李彩華及卓韻芝等昨日在尖沙嘴出席莎莎35周年活動，王賢誌前日在電台節目中暗示同性性向，與伴侶拍拖四年令他改變不少，更直言有結婚打算。
希望不受騷擾
勇於去愛的王賢誌，昨日在活動上突然玩文字遊戲，對於是否出櫃，他說：「喺我角度冇呢樣嘢，其實好多年前我已經自己住，就開始唔用櫃啦。我不嬲冇乜避忌，知報道都好正面，大家明白就得。」問如何形容自己的性向？他說：「講過好多次，唔需要再講。」
王賢誌表示親密朋友及家人都支持其決定，與黃耀明、何韻詩早前的出櫃宣言沒關，並坦言：「我冇諗住做宣傳，冇諗住有人聽，只係timing啱。」公開拍拖，可會帶男友出席活動？他即斬釘截鐵說：「我冇承認我有男朋友，不過我成日都同close friend出席活動，不過唔好騷擾唔係呢個圈嘅人。」是否與伴侶有共識公開關係？他再三強調沒想過讓人知，但直言想結婚，只是未是時候。
周慧敏怕拍劇
同場的周慧敏穿上鄭兆良設計的低胸晚裝壓軸現身，即席自彈自唱。早前其夫倪震被本報拍得頹look行跑馬地，她笑說：「呢啲係媒體嘅文字遊戲，我哋都見怪不怪。」她透露平日出埠，兩人會經常WhatsApp，互傳家中愛貓的相，問倪震可有傳自己的相給她？她笑說：「我擔心啲貓，唔擔心佢。」至於是否回無綫拍劇？她說未有人聯絡，但拍劇太辛苦，機會不大。
採訪：盧妹
攝影：黃偉雄
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/