【為下一代】約訪韓連山，地點選在他家附近的跑步徑。眼前62歲的韓老師，腳踏converse波鞋，精神奕奕，去年因絕食而少了的12磅肉，差不多都長了回來。「佔領政總又好、佔領中環又好，都係為下一代，我已預備好，佔中我一定參加，會唔會再絕食，就要睇事態發展。由03年50萬人上街，到上年反國教運動，群眾已醒覺，只欠一個爆發點！」齊心就事成，韓連山說，公民廣場上10幾萬黑壓壓的人海，早叫他看到希望的星光。
憂政黨騎劫令佔中異化
戴耀廷倡議佔領中環的這顆核彈，韓連山一直關注，過去一星期，他就多次投稿到報社，憂慮佔領中環被政黨「騎劫」，力主「群眾」才是主角的看法，「我唔係唔參與但喺度潑冷水，只係擔心政黨過度介入，會令運動異化，模糊了視點，也令對政黨同議會唔信任嘅群眾卻步」。在他眼中，只要包含利益，就會抵銷力量，這正是他最擔心，也是他總結九日九夜佔領政府總部的心得。
「只有群眾帶領嘅運動，才有希望成功。由第一天佔領公民廣場只有數百人參與，到後來10幾萬群眾聚集，市民都係被議題本身感召而來」。就如他，走進廣場前，只是個關心下一代的退休英文老師。由尋常支持者，到參與絕食、創下年紀最大絕食時間最長的紀錄，甚至成為決定是否撤出廣場的一分子。一路走來，他說：「是始料不及，也是順理成章。」
事實上，那條繫在韓連山頭上的紅頭巾，曾幾何時，感動過幾許公民廣場上甚至電視機前的人。素昧平生的人送來鮮花打氣；久未見面的學生在旁為他演奏一曲；20幾個義務醫護圍着他，定時為他抽血、量血壓，「反國教被譽為近年最成功嘅社會運動，全因參與者嘅共同訴求，以及那份堅持到底嘅決心，迫使政府最後不得不讓步」。
「公民抗命係最後一着」
「自回歸以來，香港已累積咗好多對特區政府嘅不信任，明目張膽嘅官商勾結、日見收窄嘅言論和新聞自由，係咪要繼續做順民，任由擺佈，係唔同人自己嘅選擇。我相信以和平非暴力方式公民抗命，係最後一着」。
《蘋果》記者