小馬今季成績麻麻，完全冇晒2011年奪得總冠軍嘅風範，4月就嚟到都仲係喺西岸排第10。不過，周日佢哋主場對西岸排第9嘅爵士一戰中，憑住有7名球員得分達雙位數，以113:108力挫同樣有7人得分達雙位數嘅客隊，將戰績改善到34勝36負。早前話過小馬勝率上返5成先剃鬚嘅「德國槍」，睇嚟好快就可以變番青靚白淨啦。