麥拿侖在揭幕戰澳洲站表現差，車隊主席韋馬殊早兩日都認架戰車設計出錯。今站佢哋表現冇改善，仲有啲每下愈況嘅迹象；有女友道端謝茜嘉（圖）撐場嘅英國車手畢頓喺第35圈入維修站，衰心急喺右邊前胎鎖死之前就急急腳開出去。畢頓未到pit lane都知出事，即時停低。不過就浪費咗好多時間，重返比賽嗰時佢已經係第14，最後仲要完成唔到比賽。