無綫新劇《仁心解碼II》噚日喺荃灣舉行「人心測試活動」，唔續約嘅蒙嘉慧繼續冇到，連男主角方中信都唔見影，得番楊怡、陳茵媺、苟芸慧、高鈞賢、李亞男同蕭正楠撐場。無綫安排精神科專科醫生丁錫全以測謊機同班演員玩情緒病測試。楊怡喺測試中被問到感情狀況，佢嘅測謊機指數即升，丁醫生話：「佢𠵱家好忐忑不安。」楊怡死撐話：「一陣開外景，所以有啲緊張啫。」
苟芸慧學中文
近排同郭富城傳緋聞嘅苟芸慧，喺測試時被問到係咪城城請佢睇演唱會？雖然苟芸慧冇答，但丁醫生望一望測謊機指數就話：「佢好定喎！」早排有傳高鈞賢喺黃長興婚宴上好照顧苟芸慧，被問到有冇發展機會？高鈞賢自稱不嬲同華裔小姐有緣，苟芸慧就話：「呢啲唔可以講得咁實。」提到苟芸慧因中文唔好，將城城形容為「爛桃花」搞到要道歉，高鈞賢即刻話：「我成日都教佢中文㗎！」
另外，前日係蕭正楠36歲牛一，佢話當晚約咗成班演員食飯慶祝，緋聞女友何傲芝都有到，仲同細妹何傲兒夾錢送電腦畀佢。
撰文：馮仁昭
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/