【軟硬兼施】
影樓加上駐場馴犬師，可謂市場首創。攝影師Darling稱，拍照前，馴犬師會先與小狗溝通，「大概15分鐘，大部份小狗都可以冷靜落嚟，順利拍攝」。
馴犬師謝南表示，有些狗對陌生環境較敏感，需多些時間適應，「試過有一隻八哥嚟到見人就咬，教咗佢幾個字就已經乖乖坐定定」。他笑言，對着頑皮狗，首先要聲線夠「惡」，讓牠知道誰是「話事人」，然後軟硬兼施，「佢一激動，就分散佢注意，例如拉下狗繩，喝令佢坐低」，之後以小食獎勵，大部份小狗都可以在短時間內受控。
進入正式拍攝，則有賴馴犬師與攝影師互相配合，令小狗坐定之餘，也能望向不同方向，「除咗經驗技術，仲要有默契，先可以幫寵物影到好嘅作品」。
《蘋果》記者